Уæрхæг

см. Уæрхæг – перевод

Уæрхæг – Нарты эпосы Æхсæртæггаты мыггаджы сæрæвæрæг, фаззон æфсымæртæ Æхсар æмæ Æхсæртæджы фыд, дондунейы паддзахы чызг Дзерассæ – рæсугъды мой, йæ фыртты мæлæты фæстæ дзы Нарт хынджылæг кодтой, хызта сын сæ фос. Цæмæй нартæй йæ маст райса, уый тыххæй-иу сын сæ рæгъæуттæ аскъæрдта æмæ сæ æппæрста айнæджы сæрæй, калдта сæ денджызы. Йæ цоты цот Уырызмæг æмæ Хæмыцы (Æхсæртæг æмæ Дзерассæйы фаззон фыртты) райгуырды фæстæ иу цасдæр куы рацыдис, уæд æй уыдон сæ мыггаджы мæсыджы æрцæрын кодтой æмæ йын йæ чындз Дзерассæйы ракуырдтой. Адæмы уырнындзинады фæткмæ гæсгæ дзырд «Уæрхæг», цухгонд æрцыд æрвылбоны лексикæйæ æмæ йæ бæсты пайда кæнын райдыдтой æрбайсгæ дзырд «бирæгъ»-æй. Нарты эпосы Уæрхæг æмæ йæ фыртты тыххæй ныхас цы кадджыты цæуы, уыдон бындуры лæууы тотемон миф, зæгъгæ, Æхсæртæггаты мыггаг, адæймаг чи фестад æмæ йæ ном Уæрхæг кæмæн уыд, ахæм бирæгъæй равзæрдис (Ромы мифологийы та фаззон æфсымæртæ Ромул æмæ Рем адæймаджы цот уыдысты, фæлæ сæ хъомыл та бирæгъ скодта).

кæс Ирон адæмы этнографи æмæ мифологи